Saltar ao contido

Campionato de Galicia de fútbol 1919/20

Engadir ligazóns
Na Galipedia, a Wikipedia en galego.
Modelo:Competición deportivaCampionato de Galicia de fútbol 1919/20
TipoCampionato de Galicia de fútbol Editar o valor en Wikidata
Número de participantes4 Editar o valor en Wikidata
Localización  e  Datas
PaísEspaña Editar o valor en Wikidata
Período de tempotempada 1920-1921 Editar o valor en Wikidata
Número de edición6 Editar o valor en Wikidata
Competición
Primeiro postoReal Vigo Sporting Club Editar o valor en Wikidata


O Campionato de Galicia da Serie A 1919/20 foi a sexta edición do Campionato de Galicia de fútbol organizado pola Federación Galega de Fútbol. Comezou en decembro de 1919 e rematou en marzo de 1920. O primeiro posto do torneo outorgaba a clasificación para a Copa de España.[1] Participaron o Vigo Sporting Club, o Deportivo da Coruña, o Real Club Coruña e o Pontevedra Athletic Club,[2] porén o Real Club Coruña retirouse do campionato antes da primeira xornada[3] e o Pontevedra Athletic non se presentou a xoga-los partidos,[4] deixando o torneo nun cara a cara entre o Vigo Sporting e o Deportivo da Coruña. O torneo foi disputado en forma de liga a dúas voltas.[2]

O partido da primeira volta do campionato xogado en Coia entre o Vigo Sporting e o Deportivo da Coruña foi gañado por 5−1 polos olívicos.[5] O 22 de febreiro debían xoga-lo Deportivo da Coruña e o Vigo Sporting en Riazor o encontro correspondente á segunda volta, mais o Vigo Sporting non se presentou alegando que non fora avisado da data do encontro con suficiente antelación e que estaba interesado en que o partido fose asubiado por un árbitro colexiado.[6] A Federación Galega de Fútbol non considerou válidas as alegacións e concedeu os puntos do encontro ó Deportivo, ficando así os dous equipos empatados a 10 puntos na conclusión do campionato.[6] A FGF tamén acordou que o día 29 se xogase en Riazor un encontro de desempate,[6] que finalizou igualado cun 2−2 no marcador.[7] A FGF decidiu que se disputase un novo partido de desempate en Oviedo o día 14 de marzo.[8] O Vigo Sporting enviou unha reclamación á Real Federación Española de Fútbol[9] e esta acordou considera-lo partido xogado o 29 de febreiro como correspondente á segunda volta do campionato, de xeito que xa non se levou a cabo o segundo desempate e foi proclamado campión o Vigo Sporting.[10][11]

Calendario

[editar | editar a fonte]
Xor. Data Estadio Local Visitante Resultado
1 21 de decembro Coia Vigo Sporting Deportivo da Coruña 5–1 Informe
2 29 de febreiro Riazor Deportivo da Coruña Vigo Sporting 2–2 Informe

Clasificación

[editar | editar a fonte]
Pos Equipo X G E P GF GC DG Pts Clasificación ou descenso
1. Vigo Sporting 6 5 1 0 7 3 +4 11 Clasificación para a Copa de España 1920
2. Deportivo da Coruña 6 4 1 1 3 7 −4 9
3. Pontevedra Athletic 0 0 0 0 0 0 0 0 Retirados
4. R.C. Coruña 0 0 0 0 0 0 0 0

Os puntos dos partidos do R.C. Coruña e do Pontevedra Athletic foron concedidos ós seus rivais non retirados.

Notas

[editar | editar a fonte]
  1. ↑ Copa del Rey Alfonso XIII 1920linguasport.com Arquivado 02 de decembro de 2015 en Wayback Machine.
  2. ↑ 2,0 2,1 "De Sport. La Asamblea del pasado domingo en Vigo". Diario de Pontevedra nº 10.710 (en castelán). 3 de decembro de 1919. p. 2. 
  3. ↑ "De Sport. Se aplazó el Campeonato. ¿Se derrumbó el tinglado...?". Diario de Pontevedra nº 10.713 (en castelán). 6 de decembro de 1919. p. 2. 
  4. ↑ "De Sport. El Athletic". Diario de Pontevedra nº 10.781 (en castelán). 9 de marzo de 1920. p. 2. 
  5. ↑ "De Sport. Campeonato Regional. Vigo 5 - Deportivo 1". Diario de Pontevedra nº 10.718 (en castelán). 22 de decembro de 1919. p. 1. 
  6. ↑ 6,0 6,1 6,2 "Notas deportivas". El Orzán nº 623 (en castelán). 24 de febreiro de 1920. p. 2. 
  7. ↑ "Notas deportivas. Foot-ball. El actual campeón gallego y el aspirante a tan codiciado título, empatan a dos goals". El Ideal Gallego nº 923 (en castelán). 2 de marzo de 1920. p. 1. 
  8. ↑ "De Sport. El Campeonato". Progreso: diario independiente nº 2.466 (en castelán). 5 de marzo de 1920. p. 2. 
  9. ↑ "De Sport". Diario de Pontevedra nº 10.784 (en castelán). 12 de marzo de 1920. p. 2. 
  10. ↑ "De Sport". El Orzán nº 644 (en castelán). 19 de marzo de 1920. 
  11. ↑ "El «Vigo» Campeón". El Diario de Pontevedra nº 10.786 (en castelán). 15 de marzo de 1920. p. 2. 
Traído desde «https://gl.wikipedia.org/w/index.php?title=Campionato_de_Galicia_de_fútbol_1919/20&oldid=6782931»